Poetry

Click on the titles below to read the poems.

Madbull Kite

Daddie!
Daddie!
Mek a madbull kite
fuh me.
Mek it
big, big, big and ding,
so I could fly it,
not wid coarse tread,
but tick, tick string.
An I go tie it
To a stake
So it cahn escape.
I go mek it
Graze up in de clouds
An look down
On dem odder kites
Playing at fights;
An people go hear
meh madbull
roarin in de sky
from Laventie
to Guayaguayare.

 

(From Behind the Carnival)